١٨ی حوزەیران/ یۆنیۆ (گوڵان میدیا)- لە ھوتێل چوار چرا لە شاری ھەولێر سەرۆکایەتی دەستەی ھەڵبژاردنەکانی ھەرێمی کوردستان لەگەڵ نوێنەرانی پارت و لایەنە سیاسییە کوردستانییەکان کۆبووەو پرسی بەرێوەچوونی ھەڵبژاردنەکان و چۆنیەتی ھەماھەنگی کردن لە نێوان کۆمسیۆنی ھەڵبژاردنەکان و پارتە سیاسییەکان تاوتوێ کرا.

عەلی قادر سەرۆکی دەستەی ھەڵبژاردنەکانی ھەرێمی کوردستان رایگەیاند: لەم کۆنقرانسەدا تاوتوێی چەندین پرسی پەیوەستدار بە بەڕێوەچوونی ھەڵبژاردنەکان لە ھەرێمی کوردستان و بوونی پەیوەندییەکانی بەھێز لە نێوان کۆمسیۆنی باڵای سەربەخۆی ھەڵبژاردنەکان و پارت و لایەنە سیاسییەکان لە پێناو گرنتیی سەرکەوتنی ھەڵبژاردنەکان.

ھەروەھا گوتی: ھەر لەو کۆنفرانسەشدا داوامان لە پارت و لایەنە سیاسییەکان کردووە ھانی دەنگدەران بدەن بۆ ئەوەی سەردانی ناوەندەکانی تۆماری دەنگدەران بکەن بە مەبەستی دڵنیابوونەوە لە ناوەکانیان لە تۆماری دەنگدەران و تۆمارکردنی ناوی ئەوانەی تا ئێستە تۆمار نەکراوە.