١٨ی حوزەیران/ یۆنیۆ (گوڵان میدیا)- مستەفا بەرپرسی پەیوەندیەكانی دەرەوە پێشوازی لە د. مستەفا كەمال مدبولی بەڕێوەبەری تازەی ڕێكخراوی نەتەوە یەكگرتووەكان بۆ نیشتەجێبوونی مرۆیی (HABITAT) لە هەرێمی كوردستان و شاندێكی یاوەری كرد.

بەرێوەبەری ڕێكخراوی نەتەوە یەكگرتووەكان بۆ نیشتەجێبوون پوختەیەكی سەبارەت بە ئەرك و كاری (HABITAT) پێشكەش كرد و گووتی، بەرنامەكانمان پەیوەستە بە بەهێزكردنی پرۆسەی پەرەپێدانی شار بە شێوەیەكی بەردەوام و گونجاوو لەم رووەوەش كاری زۆرمان كردووە، هەروا گووتی گرینگی دان بە ناوچەی سەوز بۆ دەستەبەركردنی ژینگەیەكی پاك لە شارەكان و دەستەبەركردنی خزمەتگوزاری پێوویست بۆ هاوڵاتیان بەشێكن لە بەرنامەی كاری ئەم ڕێكخراوە.

فەلاح مستەفا پیرۆزبایی دەستبەكاربوونی لە بەڕێوبەری هابیتات لە هەرێم كرد و هیوای سەركەوتنی بۆ خواست. دووپاتی كردووە كەوا هەرێمی كوردستان پێوویستی بە هاوكاری ڕێكخراوە نێودەوڵەتییەكانە لە رووی ئەزموون و شارەزایی و هیوای خواست كارە هاوبەشەكانیان لەگەڵ وەزارەتە پەیوەندارەكان و پارێزگاكان ببێتە مایەی زیاتر پتەوكردنی ژێرخانی هەرێم لەبواری نیشتەجێكردن و فراوانبوونی شارەكان.