سەبارەت بە ئازادكردنی بكوژی هەردوو خوشكەكە "شـــادی و شۆخان"َ ئەنجومەنی باڵای كاروباری خانمان بەدواداچوون دەكات
خاتوو پەخشان زەنگنە لە لێدوانێكدا ئاماژەی بۆ ئەوەكرد: لە كاتێكدا دادگایەكی هەرێم حوكمی لەسێدارەدان دەردەكات لە دژی تاوانبارێك، دادگایەكی تر بڕیاری ئازادكردنی دەردەكات و بڕیاری پێشووتر هەڵدەوەشێنێتەوە، ئەمەش لەچوارچێوەی یەك دامەزراوەی دادوەریی هەرێم ڕوودەدات، ئەمە خۆی لەخۆیدا جێگەی پرسیارو تێڕوانینە.
پێویستە بەدواداچوونی ورد بۆ ئەو مەسەلەیە بكرێت، ئەنجومەنی خانمان بەردەوام دەبێت لەسەر وروژاندنی ئەم بابەتە، چونكە ناكرێت كوشتنی ژن لە هەرێمی كوردستان بە تاوان هەژمار نەكرێت و بكوژان بە ئازادی بسوڕێنەوە، وەك كەیسی مامۆستا ساكار و كەیسی ئەم دوو خوشكە \"شۆخان و شادی\""."
