16 حوزه‌یران / یۆنیۆ (گوڵان میدیا)- دوێنێ وێرای پارێزگاکانی دیكەی كوردستان لە پارێزگای هەولێرشی بنكەكانی تۆماری دەنگدەران بە ڕووی هاوڵاتیاندا كرانەوە و هەر ئەو ڕۆژەش 533 هاوڵاتی هەولێر سەردانیان كردووە.

هەندرێن محەممەد سەرۆكی كۆمیسیۆنی باڵای سەربەخۆی هەڵبژاردنەكان- لقی هەولێر، بۆ پەیامنێری ڕوونكردەوە كە دوێنێ یەكەم ڕۆژی كرانەوەی بنكەكانی تۆماری دەنگدەران بوو. ئەو ڕۆژە لە پارێزگای هەولێر 500 هاووڵاتی دڵنیابوونەوەیان لە ناوەكانیان كردووە و 3 هاووڵاتی داوای تۆمارکردنی ناوی تازەیان كردووە و 30 هاووڵاتیش داوای گواستنەوەی شوێنی دەنگدانیان كردووە.