12 حوزه‌یران / یۆنیۆ (گوڵان میدیا)- چه‌ند گوندێكى دۆڵى سه‌كرایه‌تى له‌ ده‌ڤه‌رى باڵه‌كایه‌تى به‌ هۆى بوونى ئاژه‌ڵى به‌راز له‌ ناوچه‌كه‌ زیان به‌ ره‌زو باخ و به‌روو بومه‌ كشتوكاڵیه‌كانیان ده‌گات، له‌گه‌ڵ پێگه‌یشتنى هه‌ر جۆرێك له‌ به‌روبوومه‌ كشتوكاڵیه‌كان ئاژه‌ڵى به‌راز به‌رهه‌مه‌كه‌ى ده‌خوات و لق و پۆپى دره‌خته‌كانیش ده‌شكێنێت، به‌هۆى قه‌ده‌غه‌كردنى كوشتنیشیان ساڵ دواى ساڵ ئه‌و ئاژه‌ڵه‌ له‌ زیاد بوون دایه‌ و بچووكى رووبه‌رى زه‌ویه‌كانیشمان هۆكاره‌ بۆ پێنه‌دانى پێشینه‌ى كشتوكاڵى بۆ ته‌لكردنى ره‌زو باخ و زه‌ویه‌ كشتوكاڵیه‌كانمان.

ئیسماعیل وه‌رتى به‌رپرسى به‌تالیۆنى پارستنى ژینگه‌ى باڵه‌كایه‌تى راگه‌یاند: به‌ هۆى ره‌چاو كردنى رێنمایه‌كانى ژینگه‌ له‌ لایه‌ن گوند نشینانه‌وه‌ كه‌ كوشتنى ئاژه‌ڵ و باڵنده‌ى كێوى قه‌ده‌قه‌كراوه‌، ماوه‌ى سىَ ساڵه‌ ئاژه‌ڵى كێوى به‌راز له‌ گوندو ئاوایه‌كانى باڵه‌كایه‌تى و به‌تایبه‌ت گونده‌كانى دۆڵى سه‌كرایه‌تى له‌ زیاد بوون دایه‌و به‌ شێك له‌و ئاژه‌ڵه‌ كێویانه‌ش زیان به‌ ره‌زو باخ و به‌رووبومه‌ كشتوكاڵیه‌كانى جوتیاران ده‌گه‌یه‌نن.