پۆستەی كوردستان پێشدەخرێت
لە کۆبوونەوەکەدا بەڕێوەبەرانی بەڕێوەبەرایەتی پۆستەی پارێزگاکانی (هەولێر - سلێمانی - دهۆک) و ئیدارەکانی راپەڕین و گەرمیان و بەرپرسانی پۆستە و ژمارەیەک لە بەرپرسانی وەزارەت ئامادەی بوون .
وەزیری گواستنەوە و گەیاندن دووپاتی کردەوە کە دەبێت هەموو بەڕێوەبەرایەتیەکان گرنگی بە بواری پۆستە بدەن و ئاڵوگۆڕی پۆست بکەنە رۆژانە و هەوڵ بدەن لە رێگای کۆمپانیاکانی گواستنەوە ئاڵوگۆڕی پۆست ئەنجام بدەن .
لە تەوەرێکی تردا وەزیری گواستنەوە و گەیاندن بە ئامادەبووانی راگەیاند کە ئەمساڵ پڕۆژەی بەستنەوەی نووسینگەکانی پۆستە لە هەرێم جێبەجێ دەکەین کە دەبێتە هۆکاری کرانەوەی زیاتر لەو بوارەدا .
دواتر بەڕێزیان دەرفەتی دا بە ئامادەبووان تا دەستنیشانی گرفت و کێشەکان بکەن و را و پێشنیاریان بخەنە روو بە مەبەستی پێشخستنی بواری پۆستە .
