29ی‌ كانوونی‌ دووه‌م/ یه‌نایه‌ر (گوڵان میدیا)- به‌هۆی ئه‌و بارانه‌ زۆره‌ی ته‌واوی كوردستان و ده‌ڤه‌ری گه‌رمیانی گرته‌وه‌ له‌ شاره‌دێی رزگاری خوشك و برایه‌ك ده‌كه‌ونه‌ ناو گۆما ئاوێك و كورِه‌كه‌ خنكا.

كامه‌ران جاسم ئه‌فسه‌ری بنكه‌ی پۆلیسی نه‌خۆشخانه‌ی گشتی كه‌لار رِاگه‌یاند: ئه‌و هه‌رزه‌كاره‌ی خنكا ته‌مه‌نی 11 ساڵه‌و ناوی (هۆشیار جه‌لال) ـه‌ و قوتابی پۆلی پێنجه‌می بنه‌رِه‌تیه‌، له‌كاتی كه‌وتنی ناو گۆمه‌ ئاوه‌كه‌ ئه‌و هه‌رزه‌كاره‌ خوشكێكی له‌گه‌ڵ دابووه‌ كه‌ له‌ لایه‌ن هاووڵاتییه‌كه‌وه‌ كچه‌كه‌ رزگار كرا و ئه‌و كورِه‌ش خنكا.