بارزانی داوای لە كوردانی توركیا کرد خەباتی خۆیان بۆ نێو پەرلەمان بگوازنەوە
له یهكهمین بهرنامهی خۆیدا، كهناڵی \"تهرهته6\""ـی توركیا به زمانی كرمانجی خوار و میوانداریی ههریهكه له سهرۆكی ههرێمی كوردستان، مهسعوود بارزانی و جێگری سهرۆكوهزیرانی توركیا، بولەنت ئارنچـی كرد.
بارزانی لهمیانهی بهرنامهكهدا گوتی \""كردنەوەی كەناڵی ئاسمانیی (TRT6)ی توركیا بە شێوەزاری كرمانجی خواروو، پردێكی زۆرباش دەبێ لەنێوان كورد و تورك و كاریگەریی ئەرێنێ دەبێ لە پێوەندییە بازرگانییەكانی نێوان هەرێمی كوردستان و توركیا و خزمەتێكی باش دەكات بە دانیشتوانی هەرێمی كوردستان بۆ ئەوەی لە نزیكەوە ئاگاداری پێوەندییەكانی نێوان هەردوولا بن.\""
سەرۆكی هەرێمی كوردستان، لەبارەی رووداوەكانی دوێنێی دەڤەری جۆلەمێرگیشەوە رایگەیاند \""سەردەمی شەڕ و بەكارهێنانی چەك نەماوە و ئەمە زیان بە پرسی كورد دەگەیەنێت، \""داوا لە برایانی كورد لە توركیا دەكەین چەك دابنێن و خەباتی خۆیان بۆ پەرلەمانی توركیا بگوازنەوە و داواكارم ئەو شەڕە بوەستێ.\""
بولەنت ئارنچیش لەسەر ئەو بڕوایە بوو کە كردنەوەی ئەو كەناڵە بایەخ بە برایەتیی كورد و تورك دەدات. جێگری سهرۆكوهزیرانی توركیا، گوتی کە هەنگاوەكانی پرۆسەی دیموكراسی لە توركیا دەستی پێ كردووە و لەمەودوا قوتابییان دەتوانن لە قوتابخانەكان زمانی كوردی وەك دەرسێك بە ئارەزووی خۆیان هەڵیبژێرن و ئەو پرۆسەیە لە ساڵی داهاتووەوە جێبەجێ دەكرێت.
تهلهڤزیۆنی TRT6 توركیا، تهلهڤزیۆنی فهرمیی حكوومهتی توركیایه كه 24 سەعات به كوردی (زارهوهی زازاكی - كرمانجی) پهخش دهكرێ، له دوێنێیشەوە به فهرمی پهخشی بهرنامهكانی خۆی به زاراوهی سۆرانیش دهست پیکرد."
