وتەبێژی مەکتەبی سیاسی پارتی دیموکراتی کوردستان دەڵێت ھەموو لایەنە سیاسیەکان کوردستان لەگەڵ ئەوەدان بارودۆخی ھەرێمی کوردستان بە ئارامی رابگیرێت, پێویستیشە یەکگرتوو لە تۆمەتبارکردنی پارتی پاشگەزبێتەوە.

لە لێدوانێکدا وتەبێژی مەکتەبی سیاسی پارتی دیموکراتی جەعفەر ئیبراھیم بە ئاژانسی پەیامنێری راگەیاند: ھەموو لایەنەکان ھاوڕا و کۆکن لەسەر ئەوەی پێویستە بارودۆخی کوردستان ھێمن و ئارام بێت .

وتیشی: سوپاسی سەرجەم ئەم کۆششانە دەکەین کە لەلایەن سەرجەم لایەنەکان دەدرێن بۆ ھێورکردنەوەی بارودۆخی کوردستان بە تایبەتی ھەوڵەکانی مامۆستا عەلی باپیر و مام جەلال .

ئاماژەشیدا: ئامادەبوونی پارتی لە دەست پێشخەرییەکەی مامۆستا عەلی باپیر نیشانەی ئەوەی کە ئێمە ھەموو دەم ئامادەین بۆ گفتوگۆ و چارەسەر کردنی کێشەکان, بەڵام پێویستیشە لەسەر یەکگرتوو لە تاوانبارکردنی پارتی پاشگەز ببێتەوە چونکە ناکرێت تۆ لایەنێک تاوانبار بکەیت و گفتوگۆشی لەگەڵ بکەیت.