به‌ پێی روونكردنه‌وه‌یه‌كی باڵوێزخانه‌ی ئه‌مه‌ریكا له‌ عێراق هه‌واڵێكی هه‌ڵبه‌ستراوی سایتی (سبه‌ی) كه‌ سه‌ر به‌ بزوتنه‌وه‌ی گۆڕانه‌ به‌ درۆ ده‌خاته‌وه‌, كه‌ گوایه‌ فه‌رمانبه‌رێكی به‌شی سیاسی باڵوێزخانه‌كه‌ په‌یوه‌ندی دبلۆماسی تایبه‌تی له‌گه‌ڵ گۆڕان هه‌یه‌ و ئه‌م هه‌واڵه‌ به‌ ناڕاست وه‌سف ده‌كات.

ئه‌مڕۆ (18 نیسانی/ئه‌پرێلی2011 ) دوای بڵاو كردنه‌وه‌ی هه‌واڵێك له‌ سایتی (سبه‌ی) سه‌ر به‌ بزوتنه‌وه‌ی گۆڕان كه‌ گوایه‌ یه‌كێك له‌ فه‌رمانبه‌ره‌كانی باڵوێزخانه‌ی ئه‌مه‌ریكا له‌ به‌غدای پایته‌ختی عێراق په‌یوه‌ندییه‌كی دبلۆماسی تایبه‌تی له‌گه‌ڵ بزوتنه‌وه‌ی گۆڕان هه‌یه‌, باڵوێزخانه‌ی ئه‌مه‌ریكا له‌ به‌غدا روونكردنه‌وه‌یه‌كی بڵاو كردۆته‌وه‌ كه‌ دانه‌یه‌كی ده‌ست ئاژانس و رادیۆی په‌یامنێر كه‌وتووه‌ و تیایدا ئه‌م هه‌واڵه‌ به‌درۆ ده‌خاته‌وه‌ و به‌ ناڕاست وه‌سفی ده‌كات.

له‌ به‌شێكی دیكه‌ی روونكردنه‌وه‌كه‌ی باڵوێزخانه‌ی ئه‌مه‌ریكا هاتووه‌ كه‌ ئه‌مه‌ له‌ ده‌سه‌ڵاتی به‌رپرسانی بزوتنه‌وه‌ی گۆران نیه‌ كه‌ ئه‌م بابه‌تانه‌ له‌ ده‌زگاكانی راگه‌یاندن گفتوو گۆ بكه‌ن.

-PNA