سەرۆكایەتیی هەرێم: گەڕانەوەی هێزەكانی پێشمەرگە لە كەركووك پێوەستە بە باشبوونی دۆخی سیاسی و تەناهی
فوئاد حوسێن ئەمڕۆ هەینی رايگەیاند، دووپات لەوە دەكەینەوە چوونی هێزەكانی پێشمەرگە بۆ سنووری پارێزگەی كەركووك بۆ پشتیوانیكردنی هێزەكانی تەناهیی ئەو شارە و پاراستنی تەناهی و خەڵكی كەركووكە بەهەموو نەتەوەكانیەوە.
زیاتر گوتی \"گرووپە تیرۆریستییەكان بە شێوەیەكی ئاشكرا كار دەكەن و دژایەتیی خۆیان بەرامبەر بە كورد دەكەن، چوونی ئەو هێزانە بۆ دژایەتیكردنی تیرۆریستانە و پاراستنی خەڵكی شارەكەیە\"".
لەبارەی وادەی گەڕانەوەی هێزەكانی پێشمەرگە بۆ شوێنەكانی خۆیان، حوسێن گوتی \""گەڕانەوەیان پێوەندی بەدۆخی تەناهی و سیاسیی كەركووك و ئەو مەترسییانەی لەسەر كورد و پێكهاتەكانیەوە هەیە\"".
لەبارەی ئەوەی ئاخۆ دەستی دەرەكی لە پشت ئەو دۆخەی پارێزگەی كەركووكەوە هەیە، رای گەیاند \""بێگومان بەشێك لە تیرۆریستیەكان لە دەرەوە دێنە ئەوێ و بەشێكیان خەڵكی دەروبەری كەركووكن و هاوكاریی ئەو گرووپە تیرۆریستییانە دەكەن، بۆیە نازانم كێ لە پشتیەتی، بەڵام بەپێی هوتاف و دروشمەكانیان دژی ئەو دۆخەی ئێستەی كەركووك و پێكهاتەكانین، ئەمەش مەترسییە\"".
دواى خۆپێشاندانەكەى هەینیى ڕابردوو لە كەركووك و دەستبەسەرداگرتنى چەند شارۆكە و شارەدێیەكى عەرەبنشینى پارێزگەكە لەوانە حەویجە و ریاز لەلایەن خۆپێشاندەرانەوە، مەترسى سەرهەڵدانى گرژى و پێكدادان لە نێوان پێكهاتەكانى ئەو ناوچانە بەتایبەتى عەرەب و كوردان سەرى هەڵدا و بۆ پاراستنى كوردان، هێزى پێشمەرگە ڕەوانەى ناوچەكانى تەماس كرا.
-ئاكانیوز"
