به‌ڕێوه‌به‌ری گشتی پۆلیسی پارێزگای دهۆك له‌لێدوانێكدا رایگەیاند: ئه‌و هه‌واڵانه‌ی به‌درۆخسته‌وه‌ كه‌ باس له‌تاڵانكردنی شتومه‌كه‌كانی ناو باره‌گای دهۆكی بزووتنه‌وه‌ی گۆڕان ده‌كه‌ن.
به‌ڕێوه‌به‌ری گشتی پۆلیسی پارێزگای دهۆك \"لیوا عه‌بدوڵا سێلكی\"" له‌م لێدوانه‌یدا روونیكرده‌وه‌ كه‌ دوای بڵابوونه‌وه‌ی هه‌واڵی رووداوه‌كانی شاری سلێمانی ، هێزێكی تایبه‌تی پۆلیسیان ره‌وانه‌كردووه‌ بۆ پارێزگاریكردن له‌ باره‌گای سه‌ره‌كی گۆڕان له‌شاره‌كه‌.

وتیشی: ئه‌و هه‌واڵانه‌ی باس له‌تاڵانكردن یاخود سووتانی ئه‌و باره‌گایه‌ ده‌كه‌ن، هیچ راستییه‌كیان بۆ نییه‌و هیچ كه‌سێكیش نه‌چۆته‌ سه‌ر باره‌گاكه‌ی ئه‌و بزووتنه‌وه‌یه‌، ئێستا له‌لایه‌ن هێزه‌كانی پۆلیس و ئاسایشی دهۆك پارێزگاری لێده‌كرێت.

ئه‌وه‌شی راگه‌یاند كه‌ رێگه‌ له‌به‌رده‌م هه‌موو ده‌زگایه‌كی راگه‌یاندن واڵایه‌ بۆ ئه‌وه‌ی سه‌ردانی ئه‌و باره‌گایه‌ بكه‌ن و راستییه‌كان بگوازێته‌وه‌، چونكه‌ نه‌سوتێنداروه‌ و نه‌ به‌ڵاتانیش بردراوه‌.

جێی ئاماژه‌یه‌ كه‌ناڵی ئاسمانی بزووتنه‌وه‌ی گۆڕان له‌هه‌واڵێكی به‌په‌له‌دا بڵاویكردبۆوه‌ كه‌ باره‌گای سه‌ره‌كیان له‌شاری دهۆك به‌تاڵان بردراوه‌.

-PNA"