رێكخراوی Gvb V ئه‌ڵمانی-نێوده‌وڵه‌تی (كۆمه‌ڵه‌ی پاراستنی گه‌لانی هه‌رِه‌شه‌لێكراو لقی كوردستان/عێراق بروسكه‌یه‌كی پیرۆزبایی ئاراسته‌ی جه‌نابی سه‌رۆكی هه‌رێمی كوردستان، رێزدار مه‌سعود بارزانی ده‌كات به‌بۆنه‌ی سه‌ركه‌وتنی ده‌ساپێشخه‌رییه‌كه‌ی كه‌ بووه‌ هۆكار بۆ یه‌كخستنه‌وه‌ی عێراقییه‌كان، ئه‌مه‌ی خواره‌وه‌ ده‌قی به‌شێك بروسكه‌كه‌یه‌:


بۆ/ جه‌نابی سه‌رۆكی هه‌رێمی كوردستان، رێزدار مه‌سعود بارزانی
بابه‌ت/ بروسكه‌ی پیرۆزبایی

دوای سڵاوو رێز،
به‌ناوی بنكه‌ی سه‌ره‌كی رێكخراوه‌كه‌مان له‌ ئه‌ڵمانیاو هه‌روه‌ها لقه‌كه‌ی لقه‌كه‌ی له‌ كوردستان گه‌رمترین پیرۆزبایی ئارِاسته‌ی به‌رِێزتان ده‌كه‌ین، به‌بۆنه‌ی سه‌ركه‌وتنی ده‌ساپێشخه‌رییه‌كه‌ی جه‌نابتان و به‌بۆنه‌ی جه‌ژنی قوریان، كه‌ به‌مه‌ بووه‌ دوو جه‌ژن و هه‌روه‌ها بنه‌مایه‌كی به‌تین بۆ دامه‌زراندنی لێبورده‌یی و پێكه‌وه‌ ژیانێكی باشتر و قۆناغێكی نوێ بۆ هه‌موو گه‌ل و پێكهاته‌كان له‌ عێراق.

دووباره‌ ئه‌م سه‌ركه‌وتنه‌ پیرۆزبێت له‌ به‌رێزتان و له‌ گشت گه‌ل و پێكهاته‌كانی عێراق.

كۆمه‌ڵه‌ی پاراستنی گه‌لانی هه‌رِه‌شه‌لێكراو- لقی كوردستان