ئەرێ ھەتا کەنگی باوەر ژ درەوێن عیراقێ بکەین ھەر جارەکێ بریارەکێ ددەت و تشتەکێ دبێژیت و بەس ئاخفتنێن سەر کاغەزێ نە و نە زێدەتر بەس گوتن نە کردارن یا گرنگ ژی ئەوە ب کردار ب سەلمینن دا ھەر چنەبیت ئەم خەلکێ سیڤل باوەر بکەین و بەس بۆ جارەکێ بتنێ بریارەکا حکومەتا عیراقێ راست دەربچیت .
نھا یێ باسێ مووچەی دکەن و مووچەیێ پێشمەگەھان د بودجەیێ سالا (٢٠١٩) ێ دا یێ پەسەند کری ، لێ مخابن نەبوویە جھێ دلخۆشیا خەلکێ کوردستانێ و جھێ باوەرییا مللەتێ کورد چونکی ئەم کوردستانی تێر بووین ژ بریارێن درەوێن حکومەتا عیراقێ .
گوتنەکا مەزنا یا ھەی دبێژیت :" چجاران دۆژمن نابیتە دۆست "٠
عیراق ژی ھندی مە ژبیرە و ئەگەر بەرپەرێن دیرۆکێ ھەلدەینەڤە دێ بوومە دیار بیت و نھا ژی ھەر یا روون و ئاشکەراییە کو ھەردەم جەنگ ل دژی کوردان بەر پاکرییە و د ھەمی دەراڤ و کاودانان دا ھەر ل دژێ مللەتێ کورد بوویە .

_ ئەرێ ئەم چاوا باوەر ژ حکومەتا عیراقێ بکەین کو مووچەیێن خەلکێ ھەڕێما کوردستانێ لسەر قەتع کرین و بری ...؟

_ ئەرێ ئەم چاوا باوەر ژ حکومەتا عیراقێ بکەین کو ھەردەم ل دژێ ھەمی مافێن مللەتێ کورد بوویە ..؟

_ ئەرێ ئەم چاوا باوەر عیراقەکێ بکەین کو ئارمانجا وێ قیرکرن و ژناڤبرنا کوردان بی یە ...؟

نەخێر ئەس بێژم بلا ھەتا ئێرە بەس بیت ئەم تێر بووین ژ بریارێن درەو و دوویر ژ راستیێ ..
من بخوە چ باوەری ب عیراقێ نەمایە چونکێ ئەو بخوە د دەستێ خوە دانی یە نەشێن ب خوە بریاران دەربکەت و کویلا دەستێ ئیرانێ یە و ب وان برێڤەدچن ، سەرکردێن عیراقێ نەشێن بێ پرسا ئیرانێ چ بریاران بدەن و شیان نینە گەلەك ژ سەرکردێن ئیرانێ دترسن ، لەوما دڤێرەدا دێ بێژمە ھەوە دلێ خوە ب چ بریار و چ تشتێ عیراقێ خوش نەکەن ..
گوتنەکا کوردی یا ھەی دبێژیت :" ئاگر بەربوو مالا کەسەکێ درەوین ھەمی مالا وی سوت کەسی باوەر نەکر" .
چونکێ کەسەکێ درەوین بوو ھندی درەو دگەل خەلکی کربوون کەسی باوەر ژێ نەکر و مالا وی ھەمی سوت .

گوتنەکا دی دبێژیت :" گورگی پەزێ شڤانی ھەمی خارن و شڤانی ھەوارا خوە گەھاندە گوندیێن خوە لێ کەس د ھەوارا شڤانی نەچوو "..
بۆچی خەلکێ گوندی د ھەوارا شڤانی نەچوون چونکی شڤانی جارەکێ درەو ژ خەلکێ گوندی کربوون .
لێ بەلێ حکومەتا عیراقێ چەندەھا جاران درەوێن ل خەلکێ ھەڕێما کوردستانێ کرین و ھێشتا یا بەردەوامە ژی لسەر درەوێن خوە .

ئەو بخوە خەلکێ ھەڕێما کوردستانا باشور یێت د قەیرانەکا ئابووریا مەزن دا ئەو ژی ژ ئەگەرێ حکومەتا عیراقێ کو مووچەیێن ھەڕێما کوردستانێ لێ برین ما ژڤێ زولمێ مەزنتر ھەیە دەولەتەك نانێ ھەڕێمەکێ ببریت .
ئەڤە مەزنترین تاوانە ل دژی مرۆڤایەتیێ ل ھەمی جیھانێ .
ھەردەم مللەتێ کورد قوربانیێن دەستێن دۆژمنان بوویە و دۆژمنێ مەزن و سەرسەختێ ھەڕێما کوردستانێ عیراقە .
ـ
ھیڤیدارم ڤێ جارێ ئەڤ بریارا پەسەند کرنا بۆدجێ (٢٠١٩) ێ راست دەربچیت و ببیتە راستی ، لێ ئەز بخوە باوەر ناکەم و من باوەری ژی پێ نینە ..