چەند مووشەکێک ئاراستەی بنکەی سەربازی عەین ئەسەد لە ئەنبار کران و هیچ زیانێکی بەدواوە نەبووە.

مووشەکەکان لە جۆری کاتیۆشا بوون و سەربازەکانی ئەمەریکا ئامانجیان بوون. بە تێکڕا 10 مووشەک ئاراستەی بنکەکە کراوە.

لای خۆیەوە لیوا تەحسین خەفاجی، وتەبێژی ئۆپەراسیۆنە هاوبەشەکان ئاشکرایکرد، کاتژمێر حەوت و 30 خولەکی بەیانی، 10 مووشەک ئاراستەی بنکەکە کراون، هیچ زیانێکی گیانی و ماددی بە دواوە نەبووە.

ئاماژەی بەوەشکرد، تەواوی مووشەکەکان لە دەرەوەی بنکە سەربازییەکە کەوتوونەتەوە خوارەوە.

جاری یەکەم نییە ئەو بنکە سەربازییە کە دوو هەزار سەربازی هێزەکانی ئەمەریکای تێدا جێگیرکراوە بۆردومان دەکرێت.







K24