فەرماندەیەکی باڵای میلیشیاکانی حەشدی شەعبی رایدەگەیەنێت، کە دەتوانن بە یەک شەو هێزە ئەمریکییەکان لە عێراق دەربکەن.

قەیس خەزعەلی، ئەمینداری گشتیی میلیشیای عەسایب ئەهلی حەق بە (سۆمەرییە نیوز)ی راگەیاندووە، کە هێزە ئەمریکییەکان لەعێراق ژمارەیان هەرچەند بێ، دەتوانن بە یەک شەوی تاریک، لە عێراق دەریان بکەن.

قەیس خەزعەلی هەروەها رایگەیاندووە، عێراق پەرلەمانی هەیە و دەتوانێ بە یاسا ئەمریکییەکان لە وڵاتەکەی دەربکات و سوپا و میلیشیاکانی حەشدی شەعبیش دەتوانن رووبەڕووی ئەو هێزە ئەمریکییانە ببنەوە و دەریان بکەن.

قەیس خەزعەلی و میلیشیاکەی بەردەوام دژایەتیی ئەمریکا و سیاسەتەکانی لە عێراق دەکەن و بە روونیش دان بەوەدا دەنێن، کە کۆماری ئیسلامیی ئێران پاڵپشتیی دارایی و سەربازییان دەکات.










باسنيوز