لە شاری کەرکووک، نەتەوەپەرستانی عەرەب لە کاتی پێشوازیکردن لە ژنە پەرلەمانتارێکی یەکێتیی نیشتمانیی کوردستان، شیعر بەسەر عێراقچێتییەکەیدا دەڵێن و بە کوردێکی ڕەسەن ناوی دەبەن.



بەپێی تۆمارێکی ڤیدیۆیی کە لە تۆڕە کۆمەڵایەتییەکانەوە بڵاو کراوەتەوە، لە کاتی سەردانیکردنی بۆ شاری کەرکووک و پێشوازیکردنی لەنێو ئەو کەسانەی کە بە بۆنەی دەرکردنی پێشمەرگەی کوردستان لە کەرکووک سەرقاڵی دەربڕینی خۆشی و شادی بوون، نەتەوەپەرستێکی عەرەب شیعرێک بەسەر ئاڵا تاڵەبانی، پەرلەمانتاری فراکسیۆنی یەکێتی لە پەرلەمانی عێراقدا دەڵێت و شانازییەکی زۆر بە عێراقچێتیی ئەو بەرپرسەی یەکێتی دەکات و لە بەرامبەر عێراقچێتییەکەی، بە ”کوردێکی ڕەسەن“ ناوی دەهێنێت.



وەک لە تۆمارە ڤیدیۆییەکەدا دەردەکەوێت، ئاڵا تاڵەبانی زۆر بەو شیعرەی نەتەوەپەرستە عەرەبەکە دڵخۆش دەبێت و لە کۆتاییدا نەتەوەپەرستەکە ماچ دەکات و لەباوەشی دەگرێت.



باسنيوز