نێردەی تایبەتیی سکرتێری گشتیی نەتەوە یەکگرتووەکان لە عێراق، ژمارەی کوژراوانی مانگی رابردوو لە عێراق، ئاشکرا دەکات.

بەپێی بەیاننامەیەکی نێردەکە، کە وێنەیەکی بۆ (باسنیوز) نێردراوە، شاری بەغدای پایتەختی عێراق زۆرترین کوژراوی لێ تۆمار کراوە.

ژمارەی کوژراو و بریندارەکان لە مانگی 8ـی 2017، لە سێ پارێزگای عێراق (تەنیا هاووڵاتییانی مەدەنی):

- بەغدا

45 کوژراو، 135 بریندار.

- نەینەوا

36 کوژراو، 18 بریندار.

- دیالە

4 کوژراو، 24 بریندار.

هەروەک نەتەوە یەکگرتووەکان رایگەیاندووە، ئەو کەسانە لە شەڕ و رووبەڕووبوونەوە تائیفی و تیرۆریستییەکان کوژراون و بریندار بوون.

بەهۆی ناکارایی هێزە ئەمنییەکانی عێراق و باڵادەستیی میلیشیا چەکدارییەکان، بە تایبەت میلیشیای حەشدی شەعبی، رۆژانە تەقینەوە، کوشتن و رفاندنی هاووڵاتییان لە شارەکانی عێراق و بە تایبەت لە بەغدای پایتەختی ئەو وڵاتە، روودەدەن.











باسنيوز