"هەر هەوڵێك لەلایەن مالیكیەوە بۆ دەست وەردانە كاروباری سەربازی هەبێت، ڕەت دەكرێتەوە"
جێگری سەرۆكی لیستی پارتی دیموكراتیی كوردستان، لە ئەنجومەنی نوێنەرانی عێراق، ئاماژە بەوە دەدات كە دوای ئازادكردنەوەی مووسڵ، ئەگەری ڕێككەوتنی نوێ لە نێوان هەولێر و بەغدا دەكرێت.

د.تاریق گەردی، جێگری سەرۆكی لیستی پارتی دیموكراتیی كوردستان، لە ئەنجوومەنی نوێنەرانی عێراق، ڕایگەیاند: "چاوەڕوان دەكرێت دوای ئازادكردنەوەی مووسڵ ڕێككەوتنی نوێ لە نێوان هەولێر و بەغدا بێتە ئاراوە".

جێگری سەرۆكی لیستی پارتی دیموكراتیی كوردستان، ئەوەشی ڕوون كردەوە: "بودجەی هێزی پێشمەرگە لە چوارچێوەی ڕێككەتنی هەولێرو بەغدا نییە، بۆیە داوادەكەین كە پارەی هێزی پێشمەرگەی كوردستان ڕەوانەی كوردستان بكرێت و دەبێت بەغدا بۆ دەرخستنی نیاز پاكی خۆی ئەم هەنگاوە بكات".

گوتیشی: "هەولێر و بەغدا، لەسەر ئازادكردنەوەی مووسڵ رێككەوتون، بۆیە هەر هەوڵێك لەلایەن نووری مالیكیەوە بۆ دەست وەردانە كاروباری سەربازی و ئازادكردنەوەی مووسڵ هەبێت، ڕەت دەكرێتەوە، چونكە هیچ پۆستێكی سەربازی نییە".


















باسنیوز