ئەندامەكێ‌ جڤاتا پارێزگەها مووسلێ‌ دیاركر ئەو وەلاتێن ماینە ل دەڤەرا تلكیفێ و گۆندی فازلی و چەندین دەڤەرێن دی، یێ ئالایی سپێ‌ ل سەر مالێن خوە بلند دكەن، چاڤەری پێشڤەچوونێن پێشمەرگەی كوردستانێ‌ دكەن بۆ وێ چەندێ پێشمەرگە ژیانا وان بپارێزت.

بەرەكات شەمۆ، دیاركر، ئەو وەلاتێن ماینە ل گۆند و دەڤەرێن سەر مووسلێ‌ ڤە، نەشیان خۆ رزگاربكەن دەمێ‌ مووسل هاتیە كونترولكرن ژلایێ‌ رێكخراوا تیرۆرستی داعش ڤە سالە 2014، نۆكە ئەو وەلاتێن سڤیل چاڤەرێ هێرشا پێشمەرگەی كوردستانێ‌ دكەن بۆ وێ چەندێ پێشمەرگە ژیانا وان رزگاربكەت ل سەر مالێن خوە ئالایێ سپی بلندكرینە.

شەمۆ گۆتژی" ئەو وەلاتێن بۆ ماوێ پتر ژ دوو سالان ماینە دبن دەستهەلاتا رێكخراوا تیرۆرستی داعش، تووشی زەحمەترین ژیان وئاستەنگ بووینە. پشتی وان وەلاتیان ژیانەكا سەخت و دژوار بۆراندی دبن دەستهەلاتا تیرۆرستاندا نۆكە چاڤەرێنە بهێنە رزگاركرن ب ئازادی شاد ببن".

بەرەكات شەمۆ خۆیا ژی كر كو پێشمەرگەی كوردستانێ‌ و سوپایێ‌ عێراقی د پێشڤەچوونێن بەردەوام دانە. هەتا نۆكە هەژمارەكا زۆر گۆند و دەڤەرێن سەر مووسلێ‌ ڤە كونترول كرینە.










باسنیوز