حەیدەر عەبادی سەرۆک وەزیرانی عێراق، لە رێگەی رادیۆیەکی تایبەت بە شاری مووسڵ کە لە گەیارە دانراوە، وتارێکی لە بارەی پرۆسەی کۆنتڕۆڵکردنەوەی شارەکەوە پێشکەش بە هاووڵاتیانی ئەو شارە دەکات.

فەرماندەیی ئۆپراسیۆنەکانی نەینەوا رایگەیاند: "عەبادی لە وتارەکەیدا رێنماییش بۆ خەڵکی شارەکە دەدات، لەبارەی دوورکەوتنەوەیان لە مۆڵگەکانی داعش و هاوشێوەی خەڵکی گەیارە هەوڵ بۆ راپەڕین بدەن و یارمەتی هێزە ئەمنییەکان بکەن لە کاتی چوونە ناوەوەی شارەکەوە".

بەگوێرەی لێدوانەکانی پێشووتری فەرماندە سەربازییەکانی ئەمریکا و عێراق، پێدەچێت لەم مانگەدا ئۆپراسیۆنی ئازادکردنەوەی مووسڵ دەستپێبکات.






K24