رێکخراوی توندڕەوی داعش بڕیارێکی لە شاری مووسڵ دەرکردووە بۆ گۆڕینی سزا جەستەییەکان بە پێبژاردنی دارایی.

بەپێی زانیارییەکان، ویلایەتی نەینەوای داعش بڕیارەکەی داوە، بڕیارەکەش 13 سزا دەگرێتەوە، کە پێشتر سزاکەیان زیندانیکردن و جەڵدە لێدان بوون و و پێبژاردنەکەش بە دیناری عێراقی دەبێت.

ئەو بڕیارە نوێیەی داعش بەهۆی وێرانکردنی سەرچاوە داراییەکانی ئەو رێکخراوەیە لەلایەن فڕۆکە جەنگییەکانی هاوپەیمانان و تۆپخانەکان هێزی پێشمەرگەی کوردستان، کە قەیرانێکی سەختی دارایی تووشی رێکخراوەکە کردووە.

دوای هەرەس پێهێنانی سوپا و هێزە ئەمنییەکانی عێراق لە مانگی حوزەیرانی 2014 چەکدارانی داعش زۆربەی شارەکانی پارێزگاکانی نەینەوا، دیالە، سەڵاحەدین و ئەنباریان لە عێراق داگیر کرد.










باسنيوز