رێکخراوی توندڕەوی داعش شەش منداڵ لە شاری موسڵ لە سێدارە دەدات.

چەکدارانی داعش ئەو منداڵانەیان بە تۆمەتی بەشداریکردن لە یارییەکی تۆپی پێ لەسێدارە داوە.

بەپێی زانیارییەکان، چەکدارانی داعش شەش منداڵەکەیان لە ناوەڕاستی شاری مووسڵ و بە بەرچاوی دانیشتووانی ناوچەکەوە، لەسێدارە داوە.

دوای لە سێدارەدانی منداڵەکان، بەرپرسانی داعش بە دانیشتووانی موسڵیان ڕاگەیاندووە، کە یاری تۆپی پێ لە ئیسلامدا حەرامە و نابێ کەس یاری بکات.

دوای هەرەس پێهێنانی سوپا و هێزە ئەمنییەکانی عێراق لە مانگی حوزەیرانی 2014 چەکدارانی داعش زۆربەی شارەکانی پارێزگاکانی نەینەوا، دیالە، سەڵاحەدین و ئەنباریان لە عێراق داگیر کرد.















باسنيوز