دوای دوو ساڵ لە ئاوارەیی، زیاتر لە 120 خێزانی گوندی ئەبوشیتەی سەر بە شارۆچکەی گوێڕ گەڕانەوە سەر ماڵ و حاڵی خۆیان، گوندەکە چۆڵکرابوو، چونکە داعش بەهۆی نزیکییەوە بەبەردەوام بۆردوومانی دەکرد و خەڵکی سڤیلی گوندەکەی دەکردە ئامانج.

گوندی ئەبوشیتە ماوەی سێ رۆژ لەژێر دەستی داعش بوو، لەو ماوەیەدا 25 کەسی خەڵکی گوندەکە بوونە چەکداری داعش، بەڵام هێزەکانی پێشمەرگە و هێزە چەکدارە عەرەبەکانی ناوچەکە توانیان کۆنترۆڵی بکەنەوە.

بەهۆی کەمی خزمەتگووزارییەکانی وەک ئاو، کارەبا لە گوندەکە نەتوانراوە بەتەواوەتی خەڵکەکە بگەڕێندرێنەوە.

گوندی ئەبوشیتە یەکێکە لە گوندە گەورەکان کە پێنج کیلۆمەتر لە شارۆچکەی گوێڕەوە دوورە، پێش هاتنی داعش زیاتر لە 435 خێزانی عەرەبی تێدا دەژیان .

رووداو -