لیزا گراندێ، رێکخەری بواری مرۆیی نەتەوە یەکگرتووەکان لە عێراق سەبارەت بەو راپۆرتانەی کە باس لەوە دەکەن گرووپە چەکدارەکانی عێراق، ژمارەیەکی زۆر منداڵیان تێدایە و لە شەڕەکاندا بەکاریان دێنن، گوتی، چەکدارکردنی منداڵان جێگەی قبووڵ نییە و ئێمەش وەک نەتەوە یەکگرتووەکان زۆر نیگەرانین لەو راپۆرت و وێنانەی بڵاوبوونەتەوە سەبارەت بە بەکارھێنانی منداڵان لەلایەن ئەو مێلیشیانەوە.

ئەم لێدوانانەی نەتەوە یەکگرتووەکان لەکاتێکدایە چەند رۆژێک لەمەوبەر رێکخراوی چاودێری مافەکانی مرۆڤ (ھیومان رایتس وۆچ) راپۆرتێکی لە بارەی گرووپی حەشدی نیشتمانی سوننەکان بڵاوکردەوە و لە راپۆرتەکەدا ئەو گرووپە تۆمەتبار کرابوو بەوەی منداڵ بەکاردێنێت بۆ ئۆپەراسیۆنی کۆنتڕۆڵکردنی شاری مووسڵ.

ئەمە لە کاتێکدایە رێکخراوەکە مانگێک لەمەوبەر حەشدی شەعبی بەھەمان کار تۆمەتبار کرد.




K24