رۆژنامەی ئەخباری لوبنانی لە زاری چەند سەرچاوەیەکی سوپای ئەمریکاوە بڵاویکردۆتەوە، رێکەوتنێک لە نێوان کورد و حەشدی شەعبی بە ناوبژیوانی ئەمریکییەکان بۆ بەشداریکردنی حەشد لە پرۆسەی کۆنتڕۆڵکردنەوەی پارێزگای نەینەوا کراوە.

بە گوێرەی رێکەوتنەکە، حەشدی شەعبی لە بەشێک لە ناوچەکانی نەینەوا کە زۆرینەیان تورکمانی شیعەن وەک حەمام عەلیل و تەلەعفەر و شۆرە بەشداردەبێت، بەڵام ناچێتە نێو شاری مووسڵەوە.

ئەو گروپانەی حەشدی شەعبی کە بەشدارن لە ئۆپراسیۆنی مووسڵ، رێکخراوی بەدر، بەسەرۆكایەتی هادی عامری کەسی دووەمی حەشدی شەعبی و فیرقەی عەباس نزیک لە عەلی سیستانی و سەرایا سەلامی سەربە موقتەدا سەدڕ.

ئەو گروپانەی رێگەی بەشداریکردنییان پێنادریت، عەسائیبی ئەھلولحەق و کەتائیبی حیزبوڵڵان.





K24