ئەمڕۆ یەكشەممە نووسینگەی راگەیاندنی سەرۆكایەتیی كۆماری عێراق ئاشكرای كرد فوئاد مەعسوم تەواوی حوكمەكانی لەسێدارەدانی پەسەند كردووە كە تایبەتن بەتاوانی سەربازگەی "سپایكەر"، كە لەلایەن دادگای تێهەڵچیونەوەی فیدراڵییەوە پەسەند كراوە.

نووسینگەكە ئاماژەی بەوەش كردووە كە ئەوانەی حوكمەكان دەیانگرێتەوە، تاوانبارن بە تاوانی تێرۆریستیی ترسناك كە سەدان هاووڵاتیی بێ دیفاعیان تێدا بووەتە قوربانی.

نووسینگەی سەركۆمار روونی كردووەتەوە فەرمانە ئیمزاكراوەكان رەوانەی دەسەڵاتی پەیوەندیداری راپەڕاندن كراوە بەمەبەستی جێبەجێكردنی حوكمەكان بەسەر تاوانباراندا.

دووپاتیشی كردەوە دەركردنی نووسراوەكان دوای توێژینەوەی دۆسیەكان بووە لەلایەن ئەو كۆمیتە یاساییەی كە بۆ ئەم مەبەستە پێك هێنراوە.









باسنيوز