سەرلەبەیانیی ئەمڕۆ شەممە 2016 -8 -13 بەئامادە بوونی ژمارەیەكی زۆر لە سەرۆك هۆزە عەرەبەكان لە شاری كەركووك و لە كەشێكی ئارامDA كۆنفراسێكی تایبەت بە سەرۆك هۆزە عەرەبەكانی ساز کرا.

کۆنفراسنەکە تایبەت بووە بۆ باسكردنی لە پرۆسەی ئازادکردنی قەزای حەویجە لە سنووری كەركووك كە برێارە لە 2 هەفتەی ئایندە پرۆسەكە دەست پێ بكات.

هەر لە كۆنفراسەكەدا ئەحمەد عوبێدی، وەك بەشداربوویەك و سەرۆك هۆزێ عوبێد ڕایگەیاند "ئێمە لێرە كۆبووینەتەوە بۆ ئەوەی یەك بگرین و بتوانین كارێكی باش بكەین بۆ كاتی رزگاركردنەوەی حەویجە و ئەو ئاوارانەی كە ئێستا ماڵ و حاڵی خۆیان بەجێ هیشتووە و بێ شوێن مەكانن."

ئەو سەرۆك هۆزە گوتیشی "ئێمە دەبێت كارێكی مرۆڤایەتی بكەین بە یەكەوە بەیەك دەستی بەتایبەتی لە كاتی ئازادكردنەوەی قەزای حەویجە یەكگرتنی ئێمە كاریگەریی زۆری دەبێت بۆ رزگاركردنەوەی شارەکە و گرنگیدان بە ماڵە ئاوارە بووەكان."






باسنیوز