ئەنجومەنی دادوەری بە فەرمی سەفەری لە سەرۆکی پەرلەمان و حەوت پەرلەمانتارە تۆمەتبارەکە قەدەغە کرد.

(نەجیبە نەجیب) ئەندامی ئەنجومەنی نوێنەرانی عێراق لە فراکسیۆنی پارتیی دیموکراتی کوردستان بە ماڵپەڕی فەرمیی پارتیی دیموکراتی کوردستانی ڕاگەیاند: "ئەو ڕاستیەی چەندین ساڵە دیزە بە دەرخۆنە کراوە، بە بانگهێشتکردنی وەزیری بەرگری کەوتە دەر؛ ئەمە کێشەیەکی گەورەیە و، گەورەتریش دەبێت، ئاخر کێشەکە چووەتە دادگا و، ئەوانەش بە گەندەڵی تۆمەتبارن."

گوتیشی: "قەدەغەکردنی سەفەر لە سەرۆکی پەرلەمان و ئەو حەفت پەرلەمانتارە کارێکی زۆر باشە؛ چونکە ئەمانە ماڵ و خێزان و بەرژوەندیەکانیان لە دەرەوەی وڵاتدایە و نییە لە عێراقدا؛ بۆیە نابێت ڕێگەیان پێ بدرێت گەشتی دەرەوەی وڵات بکەن."

(نەجیبە نەجیب) گوتیشی: "ئێستا پرسەکە گەورە بووە و، ھەموو خەڵک چاوەرێنە بزانن کێشەکە بە کوێ دەگا لە دادگادا."

(نەجیب) ڕوونیشی کردەوە، ئەوانە زۆر کەیسیان لەسەر ئاشکرا بووە و، تەنها یەک کەیس نییە.







KDP