محەمەد تەقی ئەلمودەریسی گەورە مەرجەعی ئایینی عێراقی؛ داوا دەكات كە شەڕی رزگاركردنەوەی خاكی سووریا و عێراق لە دەستی داعش خێراتر بكرێ و پێشمەرگەی كوردستانیش رۆڵێكی كاریگەری هەبێت.

محەمەد تەقی رایگەیاند كە پێویستە بۆ كۆتایی هێنان بە زوڵم و زۆریی داعش؛ هێزەكانی پێشمەرگەی كوردستان؛ هاوشانی هێزە عێراقییەكان رۆڵێكی كاریگەریان لە شەڕی رزگاركردنەوەی موسڵدا هەبێت؛ بەوەی كە هێزێكی رێكخراو و تێكۆشەرن.

مەرجەعە ئاینیەكەی عێراق دەشڵێ پێویستە لایەنەكان ناكۆكییەكانیان وەلاوە بنێن و بیر لە رزگاركردنی خەڵكی عێراق و سوریا لە دەستی دڕندەیی داعش بكەنەوە.

پێشتر وەزیری بەرگریی عێراق لە ئەمەریكا رایگەیاند رێگە بەبەشداریكردنی هێزەكانی پێشمەرگەی كوردستان نادەن بەشداری لە شەڕی رزگاركردنەوەی شاری موسڵدا بكەن و ئەمەش كاردنەوەی توندی گەورە بەرپرسانی سیاسی و ئەمنیی هەرێمی كوردستانی لێ كەوتەوە.








باسنيوز