جڤاتا مووسلێ دێ 32 داخوازیان ژ عەبادی کەت
سەیدو چەتو دیار کر ٣٢ داخوازیێن خەلکێ مووسل یێن ھاتینە نڤیسین دێ سوبەھی ٢٥/٧ ب فەرمێ بۆ حکومەتا عیراقێ ھێنە بلندکرن ھەکەر حکومەتا عیراقێ بجە نەئینت رەنگە ھەلوەیستەکی دێ بھێتە وەرگرتن چونکو حکومەتا عیراقێ مووسل یا پشت گوە ھاڤیتی چ ناکەت بۆ ئاواران و ١٣ یەکێن ئێداری یێن سەر مووسل ڤە رزگارکرینە دبن کونترولا پێشمەرگەی کوردستانێ دانە و بەغدا چوو ھەڤکاری ناکەت.
زێدەتر گۆت:" داخوازیێن خەلکێ مووسل دی بۆ حەیدەر عەبادی چن تایبەتی ژی بابەتی رزگارکرنا رەڤاندیان و گەھاندنا خزمەتگوزاریان بۆ دەڤەرێن دھێنە رزگارکرن داکو ئاوارە بشین ڤەگەرنە سەر حالی خو و لەز رزگارکرنا باژێری مووسلی دا بھێتە کرن و بوودجەیا مووسلی بھێتە مەزاختن و حکومەتا عیراقێ دەست ب ھارێکاریا ئاواران بکەت ژ ھەموو ئالیەکی ڤە نەخاسمە خزمەتێن ساخلەمیێ راستی ژی بەغدا مووسل یا ژبیر کری ونابیت ڤێ سەردەریی بکەت.
باسنیوز
