سەرچاوەیەكی ئاگەدار لەناو شاری مووسڵەوە رایگەیاند كە دوێنێ چوارشەممە كەسانێكی نەناسراو ئاڵای عێراقیان لە بازاڕی بابول توب بەرەو شەقامی سەرج خانە لە ناوەڕاستی شاری موسڵدا هەڵكردووە و لە ئاكامی ئەو رووداوەشدا داعش كەوتووەتە ئامادەباشییەوە.

سەرچاوەكە رایگەیاند دوای هەڵكردنی ئاڵای عێراق؛ داعش لە شارەكەدا شپرزە بووە و ژمارەیەك لە فرۆشیارە دەستگێڕەكانی بازاڕەكەیان دەستگیر كردووە.

سەرچاوەكە گوتیشی؛ رۆژانە داعش منداڵان بە زۆر دەباتە گۆڕەپانی مەشق و راهێنانی سەربازی و هەڵمەتێكی رەشبگیرییان دەست پێكردووە و رەوشی ئابووریی هاووڵاتیانیش لە مەترسیدایە.

ئەمە یەكەمین رووداوە لە ماوەی 2 ساڵی داگیركردنی شارەكە لەلایەن داعشەوە رووبدات؛ پاش ئەو رووداوە تیرۆریستان ئاڵا هەڵكراوەكانیان لابردووە و دەستگیركراوەكانیشیان بۆ شوێنێكی نادیار گواستووەتەوە.









باسنیوز