حەشدی‌شەعبی لە خورماتوو ٩ ھاووڵاتی سوننەی گولـلەباران کردووە و تەرمەکانیشی رادەستی خاوەنەکانیان کردووەتەوە.
بەرپرسی راگەیاندنی قایمقامیەتی قەزای خورماتوو (محەممەد فایق)، بە ماڵپەری فەرمیی پارتی دیموکراتی کوردستانی راگەیاند، "ئەمڕۆ یەکشەممە، ٩زیندانیی نێوگرتووخانەی ئامرلی کە ھاووڵاتی سوننەن، لە تۆڵەی کوژارنی بەڕێوبەری پۆلیسی خورماتوو لەلایەن حەشدی‌شەعبییەوە گولـلەباران کران و تەرمەکانیش رادەستی کەسوکارەکانیان کراونەتەوە."

(محەممەد فایق) گوتیشی، شەش لەو تەرمانە رەوانەی خورماتوو کراونەتەوە و سێ تەرمەکەی دیکەیش رەوانەی عوزێم کراون.
حەشدی‌شەعبی لە رابردوودا زیاتر لە ١٠٠ھاووڵاتی سڤیلی سوننەی رفاندووە و ئێستا لە گرتووخانەکانی ئامرلی زیندانی کراون و ئەو ٩ کەسەش کە گولـلەباران کراون، بەشێکن لەو زیندانیانە.









KDP