چەکدارانی رێکخراوی توندڕەوی داعش 19 مێرمنداڵی شارۆچکەی حەویجە لە باشووری کەرکووک دەڕفێنێت.



بەپێی هەواڵی میدیا عێراقییەکان، ژمارەیەکی زۆری چەکدارانی داعش بەرەکانی شەڕی ئەو رێکخراوە بەجێدەهێڵن، چونکە ورەیان رووخاوە و لەسەر دەستی هێزی پێشمەرگەی کوردستان تووشی شکستێکی گەورە بوونەتەوە، بۆیە دەیانەوێ بە رفاندنی گەنج و مێرمنداڵان، ژمارەی چەکدارانیان زیاد بکەنەوە.



ئەو مێرمنداڵە رفێندراوانە تەمەنیان لە نێوان 12 - 16 ساڵی دایە و لە بازاڕێکی حەویجە بەرەو بارەگایەکی چەکدارانی داعش لە نێوان حەویجە و ریاز بردراون و لەوێوەش بەبێ رەزامەندیی و ئاگاداریی خۆیان، دەبرێنە بەرەکانی جەنگ.



سەرچاوەیەک لە ناوچەکەوە بە (سۆمەرییەنیوز)ی راگەیاندووە، کە زۆربەی چەکدارانی داعش لە باشووری کەرکووک، خەڵکی ناوچەکەن.



دوای شکست و هەرەسهێنانی سوپای عێراق لە مانگی حوزەیرانی 2014، چەکدارانی داعش توانییان زۆربەی ناوچەکانی پارێزگاکانی نەینەوا، دیالە و سەڵاحەدین و چەند ناوچەیەکی عەرەبنشینی باشووری کەرکووک داگیر بکەن.





باسنیوز