به‌پێی نووسراوێكى نووسینگه‌ى سه‌رۆك وه‌زیرانى عێراقی فیدڕاڵ كه‌ له‌ 23ى ئایارى 2016 به‌ ئیمزاى د. مه‌هدى عه‌لاق، به‌ڕێوه‌به‌رى نووسینگه‌كه‌ ده‌رچووه‌، كه‌سێك به‌ ناوى (عه‌بدولكه‌ریم محه‌مه‌د) به‌ یه‌ك نووسراو پێنج پۆستى پێدراوه‌.



له‌ نووسراوه‌كه‌دا، كه‌ وێنه‌یه‌كی دزه‌ى كردووه‌ بۆ میدیاكان (به‌بێ ئه‌وه‌ى حكوومه‌ت پشتڕاستى كردبێته‌وه‌) ئه‌وه‌ هاتووه‌، كه‌ به‌پێی ده‌سه‌ڵاته‌كانیان، بڕیاردرا عه‌بدولئه‌میر محه‌مه‌د عه‌لى حسێن، یاریده‌ده‌رى به‌ڕێوه‌به‌رى گشتیى ئۆپه‌راسیۆنه‌ نیشتمانییه‌كان رابسپێردرێت بۆ ئه‌و ئه‌ركانه‌ى كه‌ پێشتر حوسێن محه‌مه‌د ئه‌سه‌دى به‌ڕێوه‌یانى ده‌برد.



پۆسته‌كان بریتین له‌ :



یه‌كه‌م/ به‌ڕێوه‌به‌رى نووسینگه‌ى ئۆپه‌راسیۆنه‌ نیشتمانییه‌كان.



دووه‌م/ جێگرى سه‌رۆكى لیژنه‌ى باڵا بۆ هاوكارى خێزانه‌ ئاواره‌كان.



سێیه‌م/ سه‌رۆكى بنكه‌ى هاوبه‌شى هه‌ماهه‌نگى و ده‌ستنیشانكرد.



چواره‌م/ سكرتێری خانه‌ى قه‌یرانى شارستانییه‌كان.



پێنجه‌م/ سه‌رۆكى ژوورى ئۆپه‌راسیۆنه‌كانى فریاكه‌وتنى تیشكى.





باسنیوز