"عێراق بەرەو دابەشبوون دەڕوات"
لە دیمانەیەکدا لەگەڵ سایتی (خەبەر ئۆنڵاین)ی ئێران، نەسرەتوڵا تاجیک، باڵیۆزی پێشووی ئێران لە وڵاتی ئوردن ڕایگەیاند، تێکچوونی هاوکێشە سیاسییەکان و هەڵکەوتوویی جیۆپۆلتیکی عێراق و هەروەها دەستوەردانی وڵاتانی ناوچەکە و دنیایش، بارودۆخی عێراق بەرەو جیابوونەوە دەبات. ئەو دیپلۆماتە ئێرانییە باس لەوەش دەکات کە تێکچوونی شیرازەی حکوومەتی بەغدا ناسەقامگیری لێکەوتووەتەوە کە ئەوەش هۆکارێکی دیکەیە بۆ ئەوەی پێکهاتەکانی عێراق بیر لە جیابوونەوە بکەنەوە.
