بەغدا.. زیاتر لە 70 کەس کوژران و بریندار بوون
فەرماندەیی ئۆپەراسیۆنەکانی بەغدا لە بەیاننامەیەکدا رایگەیاندووە، تەقینەوەی یەکەم لە رێگای ژنێکی خۆکوژەوە لە بازاڕی چوار هەزاری لە ناوچەی شەعبی شیعەنشین روویداوە و بەهۆیەوە 17 هاووڵاتی کوژران و 28ـی دیکەش بریندار بوون.
بەپێی زانیارییەکان، تەقینەوەی دووەم لە علەوەی رەشید لە باشووری بەغدا روویداوە و بووەتە هۆی کوژرانی شەش هاووڵاتی و برینداربوونی 21ـی دیکە.
بەهۆی ناکۆکییە تائیفی و نێوخۆییەکان و زیادبوونی گرووپە تیرۆریستییەکانەوە، بەردەوام تەقینەوە لە شاری بەغدا روو دەدات و ئەم شارەش لەسەر ئاستی جیهان، بە یەکێک لە ترسناکترین جیهان دادەنرێت.
باسنيوز
