پەرلەمانى دانیمارکى ڕەزامەندى نیشاندا بۆ ناردنى ٤٠٠ سەربازوهەشت فڕۆکەى جەنگى بۆ بەشداریکردن لە شەڕى ڕووبەڕووبوونەوە چەکدارانى داعش لە عێراق و سوریا .

ئاژانسی سکاى نیوز ئەمڕۆ ٢٠ى نیسان بڵاویکردەوە، پەرلەمانى دانیمارک یاسایەکى دەرکردوە و لە ناوەڕاستى ئەمساڵدا دەچێتە بوارى جێبەجێکردنەوە و بە پێی یاساکە دانیمارک ٤٠٠ سەرباز و حەوت فڕۆکەى ئێف ١٦ و یەک فڕۆکەى سی ١٣٠ دەنێرێت بۆ عێراق وسوریا بۆ بەشداریکردن لە جەنگى داعشدا.

ئەمەش لە دواى ئەوە هات لارس لوکى سەرۆک وەزیرانى دانیمارک ڕایگەیاند "داعش ڕێکخراوێکى تیرۆرستى و بێسوز و دوورن لە بەهاى مرۆڤایەتى و پێویستە سەرجەم وڵاتان ڕووبەڕوویان ببێتەوە".

دانیمارک یەکێکە لە وڵاتانى بەشدار لە هاوپەیمانى نێودەوڵەتى دژى داعش کە لە لایەن ئەمەریکاوە فەرماندەیی دەکرێت و پێشتریش ١٢٠ سەربازى وەک ڕاوێژکار و کارمەندى هونەرى ناردووەتە عێراق بۆشەڕى داعش.






سەرچاوەكان : NRT