متمانە لە حەوت پەرلەمانتاری عێراق وەردەگیرێتەوە
رۆژی شەممە 26ـی ئاداری 2016، ”سەلیم جبووری“، سەرۆکی پەرلەمانی عێراق، لە دانیشتنی ئاساییدا دوا ئاگاداریی داوەتە حەوت پەرلەمانتار، بەھۆی ئەوەی ئامادەی دانیشتنەکانی ئەنجومەنی نوێنەران نابن.
بەپێی زانیارییەکان، ئەگەر ئەو پەرلەمانتارانە بەردەوام بن لە ”ئامادە نەبوون“ (غیاب) لە کۆبوونەوەکاندا، ئەوا ئەنجومەنی نوێنەران متمانەیان لێوەردەگرێتەوە و لە پەرلەمان دەردەکرێن.
میدیا عێراقییەکان ناوی ئەو پەرلەمانتارانەیان بڵاو کردووەتەوە، کە بەهۆی ئامادە نەبوونەوە ئاگادار کراونەتەوە:
نەواف جەربا
جونەید محەمەد کەریم
عەبدولکەریم محەمەد کەریم
بەھا ھادی ئەحمەد
محەمەد ماشی
حەمەد داوود
موەفەق باقر کازم
