شەوی ڕابردوو فڕۆکە جەنگییەکانی ئەمریکا کۆگایەکی پارەی داعشیان لە مووسڵ کردە ئامانج. هاوپەیمانێتیی نێودەوڵەتی بۆ لێدانی داعش رایگەیاند: "شەوی ڕابردوو لە ئەنجامی بۆردومانکردنی بنکە و بارەگاکانی داعش لەناو شاری مووسڵ، لەلایەن فڕۆکە جەنگییەکانی ئەمریکاوە یەکێک لە کۆگاکانی پارەی ڕیکخراوی توندڕەوی داعشیان کردە ئامانج و وێرانیان کرد. هەروەها ئاماژەی بەوەش داوە "بەپێی زانیارییەکانمان لەناو ئەو کۆگایەی داعشدا بە ملیۆنان دۆلار پارە هەبووە، کە لە ئەنجامی فرۆشتنی نەوت و دزی و هەڕەشە کردن لە هاووڵاتیان دەستیان کەوتووە."
باسنيوز
