ئەیاد عەللاوی، سەرۆكی هاوپەیمانی نیشتمانی عێراق رایدەگەیێنێ، پێكهێنانی هاوپەیمانی ئیسلامی سەربازی كە لەلایەن سعودیەوە سەرپەرشی دەكرێت، هاوپەیمانێتییەكی باشە بۆ بەرەنگاربوونەوەی تیرۆر و گرووپە تووندئاژۆكان و، دەكرێت وەك دەستكەوتێكی گرنگ لەناوچەكەدا سەیربكرێت.

عەبادی بەهیچ شێوەیەك لەگەڵ ئەو بۆچوونەدا نییە كە پێیوایە ھاوپەیمانی ئیسلامی بەسەرۆكایەتی سعودیە ھاوپەیمانێتییەكەی سونییە و ئامانجی لێدانی شیعەیە، بۆیە بەدڵنیاییەوە دەڵێت "ئەگەر ھاوپەیمانێتییەكە لەسەر بنەمای مەزهەبی پێكھێنرابێت بەخێرایی شكست دەخوات".

نێوبراو دەخوازێت هاوپەیمانێتییەكە بەسوودی ئاشتی بشكێتەوە و بەپێویستیشی دەزانێت هاوكاری و هەماهەنگی لەگەڵدا بكرێت.

لەبارەی بانگهێشت نەكردنی عێراق، عەللاوی دەڵێت "نازانم بۆچی عێراق بۆ ئەو ھاوپەیمانێتییە بانگهێشت نەكراوە، بەڵام بانگهێشت نەكردنی مانای ئەوە نییە حكومەتی عێراق و سەرۆكوەزیرانەكەی تووشی ترس و دڵەڕاوكێ ببن و پێیانوابێت دژی شیعەیە".

دوو هەفتە لەمەوبەر سعودیە هاوپەیمانی ئیسلامی سەربازی بۆ بەرەنگاربوونەوەی تیرۆر بە بەشداری 34 وڵاتی ئیسلامی راگەیاند. دوای ئەوە حەیدەر عەبادی، سەرۆكوەزیرانی عێراق رایگەیاند " عێراق ناچێتە بەرەی ئەو هاوپەیمانێتییە كە لەلایەن سعودیەوە سەرپەرشتی دەكرێت".















رووداو-