حەیدەر: ئەوانەی سووکایەتیم پێدەکەن، دەیانبوورم
حەیدەر عەبادی، سەرۆک وەزیرانی عێراق لە پەیجی تایبەتیی خۆی لە تۆڕی کۆمەڵایەتیی فەیسبووک رایگەیاندووە، کە رۆژانە کۆمێنتەکانی هاووڵاتییان لەسەر پۆستەکانی لە تۆڕە کۆمەڵایەتییەکان دەخوێنێتەوە و سوودی لێوەردەگرێت.
حەیدەر عەبادی داوا لە فانەکانی دەکات کاردانەوەی خۆیانی بۆ باس بکەن لەبارەی کێشەکان و ئەو شتانەی لە ژیانی رۆژانەدا رووبەڕووی دەبنەوە، بەمەبەستی ”پێکەوە کارکردن بۆ شیکردنەوە و چارەسەرکردنیان“.
سەرۆک وەزیرانی عێراق هەروەها داوا لە فانەکانی بدات، لە رووبەڕووبوونەوەی تیرۆر و دەنگۆ ناڕاستەکان، یارمەتیی بدەن و ”پێشنیاز و رای خۆتان بنووسن بۆ خزمەتی وڵات و میللەت“.
حەیدەر عەبادی دڵنیایی دەداتە ئەو کەسانەی کۆمێنتی بۆ دەنووسن و ”ئەوانەش کە سووکایەتیی دەکەن“ و رایدەگەیەنێت، کە بە ”گیانێکی لێبووردە“ سەیریان دەکات و لە کۆتاییشدا داوا لە خوای گەورە دەکات، ”عێراق و خانەوادەکانتان بپارێزێت“.
باسنیوز
