بەمەبەستی تاوتوێكردنی كۆمەڵێك پرسی گرنگ بەتایبەتی شەڕی دژی داعش، وەزیری دەرەوەی ئەڵمانیا بەسەردانێكی فەرمی گەیشتە بەغدای پایتەخت.

وەزارەتی دەرەوەی عێراق رایگەیاند "بە مەبەستی تاوتوێكردنی كۆمەڵێك پرسی گرنگ بەتایبەتی شەڕی دژی داعش، ئەمڕۆ دووشەمە 7 -12- 2015 فرانك ڤالتر شتاینمایێر،، وەزیری دەرەوەی حكومەتی ئەڵمانیا بە سەردانێكی فەرمی گەییشتە بەغدای پایتەخت".

دوای گەیشتنی شتاینمایەر لە كۆنگرەیەكی رۆژنامەڤانیدا رایگەیاند، وڵاتەكەی لە ساتە سەختەكان و شەڕی دژی داعش پشتگیری عێراق دەكات، چونكە سەقامگیری عێراق كەمتر نییە لە گەڕان بەدوای چارەسەرێكی سیاسی بۆ رەوشی سووریا.

پێشبینی دەكرێت بۆ تاوتوێكردنی رەوشی ئەمنی و ئابووری و سیاسی عێراق، لەو سەردانەیدا شتاینمایێر لەگەڵ د. فوئاد مەعسووم، سەرۆككۆمار و حەیدەر عەبادی، سەرۆكوەزیران و گەورە بەرپرسانی عێراق كۆبێتەوە.








رووداو