فڕۆکە جەنگییەکانی هێزی ئاسمانی عیراق، دوێنێ چوارشەممە 18 ی تشرینی دووەم، سەدان هەزار بڵاوکراوەیان بەسەر شاری موسڵدا خستەخوارەوە.

سەرچاوەیەکی ئەمنی، لە خانەی میدیای جەنگی-یەوە، زانیارییەکانی پشتڕاستکردووەتەوە و بە ماڵپەڕی ئەلعەرەبییەی راگەیاندووە، کە فڕۆکە عیراقییەکان لە ناوچەکانی رۆژئاوا و رۆژهەڵاتی موسڵ، تەلەعفەر، بعاج، قیارە، حمام علیل و شرقات، بڵاوکراوەیان بۆ هاوڵاتیانی ژێر دەسەڵاتی داعش خستووەتە خوارەوە.

سەرچاوەکە ئاماژە دەکات بەوەی، کە لەناو بڵاوکراوەکاندا، داوا لە هاوڵاتیانی ئەو ناوچانە کراوە، کە هاوکاریی دەزگا هەواڵگرییەکان بکەن و بەپێی رێنماییەکانی رادیۆی تایبەتی ناو موسڵ، مامەڵە لەگەڵ بارودۆخەکاندا بکەن.

وتیشی : " فرۆکەکانی سوپا، لەکاتی ئەنجامدانی ئەم چالاکییەدا، چەند هێرشێکیان بۆ سەر مۆڵگەکانی داعش ئەنجامداوە و بەهۆیەوە، 54 چەکداری رێکخراوەکە کوژراون".







خەندان –