سه‌رۆكی‌ ئه‌نجومه‌نی‌ نوێنه‌رانی عیراق رایگه‌یاند، په‌رله‌مان سه‌رقاڵی‌ داڕشتنی‌ پرۆژه‌یاسایه‌كه‌ بۆ هه‌ڵوه‌شاندنه‌وه‌ی‌ یاسای‌ لێپرسینه‌وه‌ و دادپه‌روه‌ری‌ (تایبه‌ت به‌ سه‌رانی‌ رژێمی‌ به‌عس).

له‌میانی‌ كۆبوونه‌وه‌یه‌كی‌ نێوان سه‌لیم جبوری‌، سه‌رۆكی‌ ئه‌نجومه‌نی‌ نوێنه‌رانی عیراق و باسم شه‌ریف سه‌رۆكی‌ ده‌سته‌ی‌ لێپرسینه‌وه‌ و دادپه‌روه‌ری‌ به‌وه‌كاله‌ت، جبوری‌ ئاماژه‌ی‌ به‌وه‌كرد پێویسته‌ یاسای‌ لێپرسینه‌وه‌ و دادپه‌روه‌ری گۆڕانكاری‌ تێدا ئه‌نجامبدرێت و ئه‌و كه‌سانه‌ی‌ یاساكه‌ ده‌یانگرێته‌وه‌ دۆسێكانیان ره‌وانه‌ی‌ دادگا بكرێت.

جبوری‌ وتیشی‌، هه‌ندێك كه‌س به‌بێ پاساوی‌ گونجاو ئه‌و یاسایه‌ی‌ به‌سه‌ردا جێبه‌جێكراوه‌ و تائێستاش دۆسێكه‌ی‌ ره‌وانه‌ی‌ دادگا نه‌كراوه‌ بۆ یه‌كلاكردنه‌وه‌ی‌. وتیشی‌، بنه‌مای‌ لێپرسینه‌وه‌ و دادپه‌روه‌ری‌ ده‌بێت به‌شێوه‌ راستییه‌كه‌ی‌ خۆی‌ له‌و یاسا نوێیه‌دا ره‌نگبداته‌وه‌ كه‌ به‌نیازن له‌ په‌رله‌مانه‌وه‌ دایبڕێژنه‌وه‌.

پێشتریش فوئاد مه‌عسوم سه‌رۆك كۆماری‌ عیراق ئاماژه‌ی‌ به‌وه‌كردبوو له‌ئێستادا كۆده‌نگییه‌ك هه‌یه‌ له‌سه‌ر چاوخشاندنه‌وه‌ به‌ یاسای‌ لێپرسینه‌وه‌ و دادپه‌وه‌ری‌.













خەندان