دەستەی میلیشیاکانی حەشدی شەعبی شیعە لە عێراق رەتیکردەوە لە شاری تکریت ناوەندی پارێزگای سەلاحەددین لە باکووری عێراق کشابێتەوە و رایگەیاند" پاراستنی شارەکەمان بە پۆلیسی فیدراڵی سەلاحەددین رانەسپاردووە".

ئەحمەد ئەلئەسەدی، گوتەبێژی دەستەی حەشدی شەعبیی لە راگەیێندراوێکدا راشیگەیاند:"حەشدی شەعبی فەرمانی کشانەوەی هێزەکانی لە شاری تکریت و فەرمانی راسپاردنی ئەرکی پاراستنی ئاسایشی شارەکەی بە پۆلیسی فیدراڵی و لۆکاڵیی دەرنەکردووە".

ئەمە لە کاتێکدایە دوێنێ شەممە 19/9/2015 لە دەزگاکانی راگەیاندن وا بڵاوکرایەوە کە گوایە میلیشیاکانی حەشدی شەعبی لە شاری تکریت کشاونەتەوە و ئەرکی پاراستنی ئاسایشی شارەکەی بە پۆلیسی فیدڕاڵی و لۆکاڵیی راسپاردووە.

هاوکات بەپێی وەزارەتی بەرگریی عێراق تاوەکو ئێستا شەڕوپێکدادان لە نێوان هێزەکانی عێراق چەکدارانی حەشدی شەعبی لە شارۆچکەی بێجی بەردەوامە کە کەوتووەتە دووڕێیی 40 کم لە باکووری تکریت.




















رووداو