ئه‌نجومه‌نی وه‌زیرانی عێراق له‌ كۆبوونه‌وه‌ی ئاسایی خۆیدا، پرۆژه‌ یاسای هه‌ڵوه‌شاندنه‌وه‌ی جێگره‌كانی سه‌رۆك كۆماری په‌سه‌ند كرد و بڕیاره‌ ئاراسته‌ی ئه‌نجومه‌نی نوێنه‌رانی بكات.

رۆژی سێشه‌ممه‌ ئه‌نجوومه‌نی وه‌زیرانی عێراق به‌سه‌رۆكایه‌تی حه‌یده‌ر عه‌بادی 36مین كۆبوونه‌وه‌ی ئاسایی خۆی ئه‌نجامداو چه‌ند بڕیارێكی ده‌ركرد.

له‌و چوارچێوه‌یه‌داو پشت به‌ستن به‌ بڕگه‌ی یه‌كه‌می مادده‌ی 61 و بڕگه‌ی دووه‌می مادده‌ی 80ی ده‌ستوری عێراقی، ڕه‌زامه‌ندی نیشاندرا له‌سه‌ر پرۆژه‌ یاسای هه‌ڵوه‌شاندنه‌وه‌ی جێگره‌كانی سه‌رۆك كۆمار و دواتریش ئاراسته‌ی په‌رله‌مانی ده‌كه‌ن.

هه‌ر له‌و كۆبوونه‌وه‌یه‌دا سه‌ره‌ڕای گفتوگۆكردن له‌سه‌ر ره‌وشی ئه‌منی عێراق، بڕیاردرا وه‌زاره‌تی كشتوكاڵ ڕێژه‌ی سه‌دا 80ی داهاته‌كه‌ی بۆ پشتگیری تۆوی به‌رهه‌می گه‌نم و جۆ ته‌رخان بكات، هه‌روه‌ها ڕه‌زامه‌ندی نیشاندرا بۆ دانانی میكانزمی خێرا بۆ پاره‌داركردنی پڕۆژه‌كانی حكوومه‌ت.