بەغدا تەقینەوە و هێرشی چەكداری بەخۆوە دەبینێت
بەپێی سەرچاوەیەكی ئەمنی لە نووسینگەی راگەیاندنی وەزارەتی ناوخۆی عێراق بۆ تۆڕی میدیایی رووداو، لە ئاكامی تەقینەوەی بۆمبێكی چێندراو لە نزیك گەڕەكی سناعە لە شارۆچكەی تاجی باكووری شاری بەغدا، كەسێك كوژراوە و 8 كەسی دیكەش برینداربوونە.
هاوكات بەهۆی تەقینەوەی بۆمبێكی چێندراو لە ناوچەی حوڕیە لە باكووری رۆژئاوای بەغدا، 2 كەس كوژراون و 5 ی دیكەش برینداربوونە. لە شارۆچكەی تارمیەش چەكدارانی نەناسراو لەنێو ئۆتۆمبێلێكەوە بە چەكی رەشاش تەقەیان لە كۆمەڵێك چەكداری سەر بە حەشدی هۆزەكان كردووە و لە ئاكامدا 2 چەكدار كوژراون و 2 ی دیكەش برینداربوونە.
ناوناوە لە رێگەی ئۆتۆمبێلی بۆمبڕێژكراو، بۆمبی چێنراو و لكێنراو و پەلاماری چەكداری، گرووپە چەكدارەكانی نەیاری حكومەتی عێراق هێزە ئەمنییەكان دەكەنە ئامانج و بەهۆیەوە ژمارەیەك كەسی سڤیل دەكوژرێن و برینداردەبن.
رووداو
