سه‌رچاوه‌یه‌كی په‌رله‌مانی‌، ئاشكرای ده‌كات، به‌پێی یاسای حزبه‌كان و رێكخراوه‌ سیاسییه‌كان كه‌ له‌ ئه‌نجومه‌نی‌ نوێنه‌رانی‌ عیراق ئه‌مڕۆ ده‌نگی له‌سه‌ردرا، هه‌ر كه‌سێك ته‌مه‌نی‌ له‌ سه‌رووی‌ 25 ساڵانه‌وه‌ بێـت، ده‌توانێت حزب یا رێكخراوێكی‌ سیاسی دابمه‌زرێنێت، له‌كاتی‌ به‌شداریكردنیش له‌ هه‌ڵبژاردنه‌كان، پێویسته‌ بڕی‌ 25 ملیۆن دینار وه‌كو رسوومات بدات.

سه‌رچاوه‌یه‌كی ئاگادار راگه‌یاند : ئه‌مڕۆ ئه‌نجومه‌نی‌ نوێنه‌رانی‌ عیراق ده‌نگی‌ له‌سه‌ر پرۆژه‌ یاسای حزب و رێكخراوه‌ سیاسییه‌كان دا كه‌ ماوه‌ی‌ هه‌شت ساڵه‌ له‌ په‌رله‌مانه‌ و نه‌خراوه‌ته‌ ده‌نگدانه‌وه‌".

به‌پێی زانیارییه‌كانی‌ سه‌رچاوه‌كه‌، هه‌ركه‌سێك ته‌مه‌نی‌ له‌سه‌رووی‌ 25 ساڵییه‌وه‌ بێـت، ده‌توانێـت حزب یان رێكخراوێكی‌ سیاسیی دابمه‌زرێنێت.

هاوكات سه‌رچاوه‌یه‌ك به‌ ئاژانسی‌ "كل العراق"ی‌ راگه‌یاند :" رسووماتی‌ سه‌ر حزبه‌ سیاسییه‌كان بریتییه‌ له‌ 25 ملیۆن دینار، به‌ڵام حزبه‌كانی‌ كه‌مینه‌كان ته‌نها 10 ملیۆن دینار ده‌ده‌ن".

سه‌رچاوه‌كه‌، ئه‌وه‌شی‌ خسته‌ڕوو، كه‌ یاساكه‌ ژماره‌ی‌ ئه‌ندامانی‌ حزبی‌ به‌ 2000 بۆ سه‌ره‌وه‌ دیاریكردووه‌ و پێویسته‌ 25% ی‌ ئه‌ندامه‌كان، ئافره‌ت بن".

ئه‌نجومه‌نی‌ نوێنه‌رانی‌ عیراق، ئه‌مڕۆ ده‌نگی‌ له‌سه‌ر پرۆژه‌یاسای حزب و رێكخراوه‌ سیاسییه‌كان دا كه‌ ماوه‌ی‌ هه‌شت ساڵه‌، له‌ په‌رله‌مان په‌كخراوه‌ و نه‌خراوه‌ته‌ ده‌نگدانه‌وه‌.









خەندان