بێریڤان خه‌یلانی ئه‌ندامی ئه‌نجومه‌نی نوێنه‌رانی عێراق رایگه‌یاند كه‌ بڕیار وایه‌ سبه‌ی حه‌یده‌ر عبادی سه‌رۆك وه‌زیرانی عێراق سه‌ردانی په‌رله‌مان بكات و به‌شدار بێت له‌ كۆبوونه‌وه‌ی گشتی په‌رله‌مان بۆ ئه‌وه‌ی ره‌شنووسی چاكسازیه‌كی روون بكاته‌وه‌ بۆ په‌رله‌مانتاران و هه‌روه‌ها ره‌شنووسی چاكسازیه‌كانی داهاتووش باس بكات .

بێریڤان خه‌یلانی ئاماژه‌ی به‌وه‌ش كرد كه‌ هه‌ڵوێستی فراكسیۆنی كوردستانی روون و ئاشكرایه‌ سه‌باره‌ت به‌و چاكسازییانه‌ی عه‌بادی كه‌ ئێمه‌ وه‌كو كورد له‌ گه‌ڵ ئه‌و چاكسازییه‌ین به‌ڵام به‌مه‌رجێك ده‌بێت رێككه‌وتنه‌ سیاسییه‌كه‌ی پێش پێكهێنانی حكومه‌ت تێك نه‌چێت و هه‌ر وه‌زیرێك بگۆردرێت ده‌بێت وه‌زیرێكی شاره‌زاو شیاو دابنرێت به‌پێی ته‌وافقی سیاسی نێ,ان لایه‌نه‌ سیاسییه‌كان .

روونیشیكرده‌وه‌ هه‌ر سبه‌ی بریار وایه‌ په‌رله‌مانی عێراق بانگێشتی وه‌زیری كاره‌با بكات بۆ لێكۆڵینه‌وه‌ له‌ سه‌ر كه‌می كاره‌باو چاره‌سه‌ركردنی.